شرح نخبۃ الفکر اردو

 شرح نخبۃ الفکر اردو

علم اصول حدیث میں ایک بڑی اہم کتاب

شرح نخبۃ الفکر اردو


نام کتاب :- شرح نخبۃ الفکر اردو

مصنف :- حافظ ابن حجر عسقلانی

 ترتیب :- محمد عمر انور

صفحات :-٢٠٢

فائل سائز :- ٢٤ ایم بی

کتاب کے بارے میں :-

 حدیثیں رسول اللہﷺ نے خود جمع نہیں کروائیں بلکہ معمول یہ تھا کہ آپ ﷺ جو کچھ فرماتے  صحابہؓ اپنے شوق سے ان کو کسی قدر لکھتے جاتے تھے۔ 

رسول اللہﷺ کے اس دنیا سے پردہ فرما جانے کے ایک عرصے بعد جب جمع حدیث کی مہم کا آغاز ہوا تو ایسے لوگ بھی اس میں شامل  ہوگئے جو بےتوجہی سے بیان کرتے تھے یا ان کے حافظے پہلوں کی طرح پختہ نہیں تھے اور احادیث میں خلط ملط کر جاتے تھے۔ پھر وہ لوگ بھی آ گئے جو جھوٹی احادیث گھڑتے تھے۔ 

اس لیے لازم ہوا کہ صحیح احادیث کی پہچان  کے لیے ضروری اصول و ضوابط بنائے جائیں، اس مکمل فن کو  فن حدیث کہا جاتا ہے۔ اس ضمن میں بہت سے علوم ایجاد ہوئے جیسے: علم اصول حدیث، علم اسماء الرجال، علم جرح و تعدیل۔ علم الناسخ والمنسوخ، علم غریب الحدیث، علم علل الحدیث۔ راویوں کے حالات اکٹھے ہونے لگے، ان کی چھان پھٹک ہونے لگی۔ قریباً 5 لاکھ انسانوں کے حالات صرف اس لیے جمع کیے گئے کہ ان کے ذریعہ ملنے والی روایات کا جائزہ لیا جا سکے۔

 جہاں تک علم اصول حدیث کا تعلق ہے تو یہ جاننا ضروری ہیکہ ہر واقعہ کی صحت اور درستگی کا پتہ لگانے کے دو طریق ہوتے ہیں  (1)۔ اصول روایت کی رو سےیعنی یہ دیکھنا کہ جو واقعہ ہم تک پہنچا ہے وہ واسطہ کس حد تک قابل بھروسہ ہے۔ اس میں راویوں پر جرح و تعدیل کی جاتی ہے۔ (2)اصول درایت کی رو سے یعنی واقعہ کی صحت کی  شہادت۔  کہ آیا کیا واقعہ اپنی ذات میں اور اپنے ماحول کی نسبت سے ایسا ہے کہ اسے درست اور صحیح مانا جائے۔ حدیث کے ضمن میں ان دونوں علوم کے جاننے کا نام علم اصول حدیث  ہے۔ مگر عام علما ءکے نزدیک اس کا زیادہ تر تعلق علم روایت سے ہے۔

 اصولِ حدیث پر  حافظ ابن حجر عسقلانی ؒ کی سب سے  پہلی اور اہم  تصنیف ’’نخبۃ الفکر فی مصطلح اھل الاثر‘‘ ہے  جو علمی حلقوں میں مختصر نام ’’نخبۃ الفکر‘‘ سے  جانی جاتی ہےاور اپنی افادیت کے  پیش نظر اکثر مدارس دینیہ   میں  شامل نصاب ہے۔ اس مختصر رسالہ میں  ابن حجر  ؒ نے  علومِ  حدیث کے تمام اہم مباحث کا احاطہ کیا ہے ۔ مختصر ہونے کے باوجود یہ اصول  حدیث میں اہم ترین مصدر ہے کیونکہ بعد میں  لکھی جانے والی کتب اس سے بے نیاز نہیں ۔ 

حافظ ابن  حجر ؒ نے ہی  اس کتاب کی  شرح  ’’نزھۃ النظر فی توضیح نخبۃ الفکر فی مصطلح اھل الاثر‘‘ کے نام سے لکھی جسے   متن کی طر ح قبول عام حاصل ہوا اسکے نعد مختلف زبانوں میں اسکی شرح مختلف زاویہ سے لکھی گئی " یہ کتاب  بھی " ںخبۃ الفکر " ہی کی شرح ہے جو اردو زبان میں لکھی گئی ہے اس کتاب کے مولف محمد عمر انور ہیں ۔

اس کتاب کو آن لائن پڑھنے اور PDF فارمیٹ میں  ڈاونلوڈ کرنے  کی لنکس مہیا کر دی گئی ہیں ،امید ہے آپ استفادہ کریں گے اور اس علمی کام میں تعاون کرتے ہوئے اسے شیر بھی کریں گے


اس کتاب کو آن لائن پڑھنے کے لئے یہاں کلک کریں



اس کتاب کو ڈاؤنلوڈ کرنے کے لئے یہاں کلک   کریں

نوٹ :- نخبۃ الفکر کی دوسری اردو شرح وسیلۃ الظفر کو ڈاؤنلوڈ کرنے کے لئے یہاں کلک کریں

تبصرے

ایک تبصرہ شائع کریں

اس بلاگ سے مقبول پوسٹس

نا ممکن سے ممکن کا سفر

تصویر
  نا ممکن سے ممکن کا سفر  نا ممکن سے ممکن کا سفر :ایک ایسی کتاب جسے کامیابی کے طلب گار ہر انسان کو ضرور پڑھنا چاہئے ۔   نام کتاب :- نا ممکن سے ممکن کا سفر  مصنف :-  عبد العزیز چودھری  صفحات :- 222 فائل سائز :- 62 ایم ۔ بی ۔  مختصر تعارف :-                نا ممکن سے ممکن کا سفر جناب عبد العزیز چودھری صاحب کی بڑی مقبول کتابوں میں سے ہے ۔یہ ایک ایسی کتاب ہے جسے کامیابی کے طلب گار ہر انسان کو پڑھنا ضرور پڑھنا چاہئے ۔   بسا اوقات انسان اپنے آس پاس کے ماحول اور زندگی کے پریشانیوں کی وجہ سے اپنی زندگی سے مایوس ہو جاتا ہے اسے کچھ کرنے کا موڈ نہیں ہوتا ، وہ افسردہ اور پس مردہ ہو جاتا ہے ،زندگی جینے کا شوق ختم ہو جاتا ہے.   ایسے وقت حوصلہ کن الفاظ چند الفاظ کا آنکھوں کے سامنے آ جانا اور اسے پڑھ لینا یا سن لینا مایوسی کی چادر کو اتار دیتا ہے ، زندگی جینے کی خواہش دوبارہ پیدا ہوتی ہے ، مایوسیاں چھٹ جاتی ہے ،خوشیاں لوٹ آتی ہے ، " نا ممکن سے ممکن کا سفر " بھی اسی قسم کی ایک کتاب ہے اس کتاب میں ان باہمت اور کامیا...
مزید پڑھیں

کامیابی کے اصول

تصویر
 کامیابی کے اصول کامیابی کے اصول ایک ایسی کتاب جو کامیابی کا روڈمیپ اور کامیابی کے وہ آزمودہ اصول بتاتی ہے جو کبھی نا کام نہیں ہوتے۔   کتاب کا نام :- کامیابی کے اصول۔ مصنف         :- پروفیسر ارشد جاوید فائل سائز :- لنک (1) 6ایم ۔بی ۔ لنک (2) 3 ایم ۔ بی ۔   مختصر تعارف      کامیابی کے اصول جناب پروفیسر ارشد جاوید صاحب کی مشہور کتابوں میں سے ایک ہے،پروفیسر ارشد جاوید صاحب ایک ماہر نفسیات ہے جنہونے اولا گورمنٹ کالج ،لاہور اور اسکے بعد امریکہ میں جامعہ کیلیفورینا سے نفسیات میں ماسٹر کیاآپنے بہت سی ایسی کتابیں لکھی جسنے لوگوں کی زندگیاں بدل دی ،   آپ کی چند کتابوں کے نام : کامیابی اور خوش حالی آپ کا مقدر ہے،تعلیمی کامیابی، کامیابی کے اصول ،اچھا مسلمان اور برا مسلمان،  اور مسلمانوں کا ہزار سالہ عروج ۔   یہ کتاب " کامیابی کے اصول " کامیابی کا ایک خزانہ ہے۔ اس میں بڑے آسان اسلوب میں کامیابی کے چند اصول اور عناصر بیان کئے ہیں جس کو اختیار کر کے اور اسے اپنی زندگی میں لا کر ھم اپنی مطوبہ کامیابی حاصل کر سکتے ہیں۔ ...
مزید پڑھیں

Don't Be Sad Urdu

تصویر
غم ںہ کریں    غم نہ کریں  عربی کتاب  لا تحزن  کا اردو ترجمہ ہے   کتاب کے بارے میں  :- غم نہ کریں عربی کتاب لا تحزن کا اردو ترجمہ ہے، اس کے مصنف ڈاکٹر عائض القرنی ہے،اس کتاب نے بہت ہی کم وقت میں بڑی شھرت حاصل کی اور 10لاکھ نسخے قلیل مدت میں ہی فروخت ہو گئے، موضوع :-    ایک انسان خواہ کتنا مضبوط اور طاقت ور کیوں نہ ہو زندگی میں کچھ مرحلے ایسے آتے ہیں جب وہ ٹوٹنے لگتا ہے مایوسی کا شکار ہونے لگتا ہے،اسے اپنا مستقبل تاریک نظر آتا ہے، ایسے وقت میں یہ کتاب اسکی مایوسی پر امیدکا پھایا رکھتی ہے،اور اسکی ٹوٹی ہوئی آس کو پھر جوڑتی ہے،وہ بھی دنیاوی نقطہ نظر سے نہیں بلکہ شرعی اصولوں کی روشنی میں، یہی وجہ ھیکہ ایک ٹوٹا ہوا انسان جب اس کتاب کو اپنے ہاتھوں میں لیتا ہے تو اسے لگتا ہے اسے اپنے درد کا مداوا مل گیا،اس ناحیہ سے یہ کتاب ایک ل ائق مطالعہ کتاب ہے، کتاب مصنف کی نظر میں :-      اس کتاب کو آن لائن پڑھنے ، PDF فارمیٹ میں  ڈاونلوڈ کرنے  کی لنکس مہیا کر دی گئی ہیں ،امید ہے آپ ا ستفادہ کریں گے اور اس علمی کام میں تعاو...
مزید پڑھیں